Fondation Ste Zithe

Eng oppen Hand fir Malawi

Nohalteg Entwécklungshëllef fir eent vun den äermste Länner an Afrika

Eng oppen Hand fir Malawi ass eng offiziell unerkannt Net-Regierungs-Organisatioun (NRO), déi den 30. Juni 1989 gegrënnt gouf. Si ënnerstëtzt virun allem Projeten, déi et dem St. Gabriel’s Hospital zu Namitete erméiglechen, d’Patienten an enger korrekter Infrastruktur medezinesch a fleegetechnesch ze versuergen. Doriwwer eraus kënnt d’Entwécklungshëllef der Bevëlkerung an den Dierfer aus der Ëmgéigend zegutt, mam Zil, d’Liewensbedéngunge vun de Leit nohalteg ze verbesseren.

Iwwer eis

D’St. Gabriel’s Hospital zu Namitete, 1959 vun den ZithaSchwësteren iwwerholl, an déi domat verbonne Missiounsaarbecht, hu sech am Laf vu ville Joren ëmmer méi an eng Entwécklungsaarbecht gewandelt. Domat koumen op d’Schwësteren nei Erausfuerderungen duer, déi si 1989 dozou bruecht hunn, d’NRO Eng oppen Hand fir Malawi ze grënnen, fir Hëllefsprojete méi effikass ëmsetzen ze kënnen.

Eis Fërderschwéierpunkten

Eng oppen Hand fir Malawi ënnerstëtzt Projeten, déi am Weesentlechen drop ausgeriicht sinn, den Zougang vun der Bevëlkerung zu essentielle Gesondheetsdéngschter ze garantéieren a sollen där Bevëlkerung zeguttkommen, déi am direkte Kontakt mam St. Gabriel’s Hospital steet an an den Dierfer aus der Ëmgéigend lieft. D’Schwéierpunkte vun eiser Entwécklungsaarbecht sinn déi follgend Beräicher: Fërderung vun der Gesondheet, Zougang zu propperem Waasser, Verbesserung vun den hygieneschen Bedéngungen, wirtschaftlech Entwécklung vun den Duerfgemeinschaften duerch eng méi produktiv Landwirtschaft, d’Fërderung vun der Bildung vu Fraen a Kanner, genee ewéi humanitär Hëllef an akuten Noutsituatiounen.

Projeten

D’Projete vun der NRO „Eng oppen Hand fir Malawi“ solle geziilt deem Deel vun der Bevëlkerung zeguttkommen, deen am direkte Kontakt mam St. Gabriel’s Hospital steet an an den Dierfer aus der Ëmgéigend lieft. Doriwwer eraus gesäit d’NRO hir Aufgab doran, d’Leit am Malawi bei der Ëmsetzung vun de Projeten iwwer eng Rei vu Joren ze begleeden. All eis Projete ginn zu 80 % vum Lëtzebuerger Staat kofinanzéiert. Mir invitéieren Iech, op eisem Internetsite d’NRO an eis Projete kennenzeléieren.

Einrichtungen

Gemeinschaften

Kontakt

Merci fir Är Ënnerstëtzung!

Fir eis Projete weiderféieren ze kënnen, brauche mir Är konkreet Hëllef! Mir soe Merci fir all Don!

Spenden

Seit 1872 folgt die Zitha auf Basis christlicher Werte den Idealen Hilfsbereitschaft, Mitgefühl und Menschlichkeit, um in Luxemburg und Malawi ihren Dienst am Menschen zu erfüllen. Helfen auch Sie.

Jede Hilfe zählt

Wir hören einander offen, ehrlich interessiert und einfühlsam zu. Dazu gehört eine Haltung der Freundlichkeit, der Aufrichtigkeit und des respektvollen Umgangs miteinander.

Spenden

Zanter 1872 verfollegt d‘Zitha op der Basis vu chrëschtleche Wäerter d’Idealer Hëllefsbereetschaft, Matgefill a Mënschlechkeet, fir zu Lëtzebuerg an am Malawi hiren Déngscht um Mënsch ze erfëllen. Hëlleft och Dir.

All Hëllef zielt

Mir lauschteren eis mat Oppenheet, éierlechem Interessi an Afillungsverméigen no. Dozou gehéiert eng Haltung vu Frëndlechkeet, Opriichtegkeet a vum respektvollen Ëmgang mateneen.