Musek ass Deel vum Liewen. Sie begeeschtert, erwächt Erënnerungen, beréiert a schwätzt a hierer Diversitéit mat jidderengem. Awer Musek kann nach vill méi. Sie beaflosst eise Geescht a kann souguer heelen. Et gouf wëssenschaftlech bewisen datt Musek ganz effikass ass, besonnesch an der Therapie vu Leit mat Demenz, Leit mat Tinnitus, Depressioun, Burn-Out Syndromer, Schmerzpatienten oder an der Neurorehabilitatioun.
D’Musek huet also eng besonnesch Plaz an de Seniorien vun der Zitha. Zum Beispill sinn all Mount kleng Concerten an der Seniorie zu Konsdref a musikalesch Aktivitéite ginn all Woch ugebueden. Dëst erhéicht d’Liewensqualitéit an d’Wuelbefannen vun alle Bewunner a gëtt vun hinnen ganz gutt ugeholl.
Fir d’Qualitéit vun der musikalescher Offer ze erhéijen, huet Fondation Ste Zithe fir d’Seniorie St Joseph zu Konsdref elo déi entspriechend Museksausrüstung fir insgesamt 3.378,00 Euro kaaft. Museker a Kënschtler, déi optrieden an nët dat entspriechend Material hunn, kënnen et notzen, fir datt hir Musek vu jidderengem am Sall gutt ze héieren ass. Gläichzäiteg erlaabt dëse kompakten Soundsystem musikalesch Offeren op verschiddene Plazen am Haus oder op der Terrass ze maachen.
Mir soen allen Donateuren MERCI, déi zu dësem Projet bäigedroen hunn an esou de Kaddo vun der Musek fir eis Bewunner méiglech maachen.
