Beweegung ass e Grondbedierfnes vum Mënsch. All Beweegung, a besonnesch sportlechen Training, stäerken net nëmmen de Kierper, mee och d’Psyche. Mee leider kann net jidderee einfach opstoen a sech e bësse beweegen, d’Been strecken. Wann een am Rollstull ass oder souguer am Bett muss léien, sinn d’Méiglechkeeten ganz limitéiert. De Mangel u Bewegung féiert zu engem ëmmer méi starken Verloscht vun der Muskelkraaft an enger Stéierung vum allgemenge Wuelbefannen.
Ee Wee fir de Mangel un Beweegung ze reduzéieren, fënnt een elo an eiser Seniorie St Joseph zu Konsdref. Dank Äre Spenden konnt ee MOTOmed-Beweegungstherapie-Apparat fir 7.235 Euro kaaft ginn. MOTOmed gëtt weltwäit an der neurologescher, orthopedescher a kardiologescher Rehabilitatioun a Geriatrie benotzt. Wëssenschaftlech Studien hunn d’Effikassitéit bestätegt a weisen d’Virdeeler vun dëser Form vun Trainingstherapie souwuel an der alldeeglecher Therapie wéi och am eegeständegen Training. Wat speziell un MOTOmed ass, ass datt d’Beweegungstherapie aus engem Stull, Rollstull oder Fleegebett duerchgefouert ka ginn. Déi passiv, déi assistéiert an déi aktiv Beweegunge baséieren um Vëlofueren. Déi zyklesch Beweegunge vun de Been an Äerm oder vum Uewerkierper sinn motoresch ënnerstëtzt a kënnen dofir un individuell Besoinen a Fäegkeeten ugepasst ginn.
D’MOTOmed Bewegungstherapie aktivéiert de Rescht vun der Muskelkraaft vun eise Bewunner, reduzéiert d’Spastizitéit, stäerkt d’Psyche an d’Wuelbefannen a wirkt entgéint d’allgemeng Erschöpfung.
Am Numm vun den Bewunner soe mir all Spender MERCI, déi dëse Projet méiglech gemaach hunn.
