Demenzpatienten sinn dacks kierperlech fit oder nëmme wéineg ageschränkt. Vill vun hinnen hunn de Besoin, sech fräi ze beweegen, an der frëscher Loft spadséieren ze goen oder e Raum ze betrieden an ze verloossen, wann et hinnen dono ass. Fir dësem Besoin Rechnung ze droen a gläichzäiteg d’Sécherheet ze garantéieren, plangt d’Seniorie Saint Jean de la Croix Luxembourg momentan e groussen Openthaltsraum mat engem Gaart, deen dorun ugeschloss ass. Hei kënne sech d’Residentë fräi beweegen an entscheeden, ob si sech dobaussen oder dobannen ophale wëllen, wou se hir Moolzechten anhuele wëllen an ob si bei den ugebuedenen Aktivitéite matmaache wëllen.
D’Fondation Ste Zithe freet sech, sech mat engem Betrag vu 16.650.65 € un Donen, déi fir d’Seniorie Saint Jean de la Croix Luxembourg agaange sinn, ze bedeelegen, fir dëse Beräich gemittlech an uspriechend ze gestalten.
Mir soen allen Donateuren, déi dat méiglech gemaach hunn, en häerzleche Merci.
