Grouss Distanzen, feelend Infrastrukturen an dacks schlecht ausgebilt Léierpersonal sinn nieft der finanzieller Nout am Malawi grouss Hürden um Wee zu enger zolitter Schoulbildung. Den Alphabetisierungstaux läit bei ronn 60 % (lescht Erhiewung 2015), wat bedeit, datt net emol all Drëtte liesen a schreiwe kann. Frae sinn heivunner méi staark betraff ewéi Männer.
Zikomo – Hilfe für Malawi huet dofir als Zil, d’Entwécklungsaarbecht an de Beräicher Bildung a Gesondheet ze fërderen. Si konzentréiert sech dobäi op d’Regioun ronderëm d’St. Gabriel’s Hospital zu Namitete, dat vun den ZithaSchwëstere gebaut gouf an ongeféier 1,5 Autosstonne vun der Haaptstad Lilongwe ewech läit.
All Joer ginn ongeféier. 40 Kanner a Jugendlecher an der Secondary School gefërdert, genee ewéi 16 Studenten a Studentinnen op Collegen an Universitéiten. Dofir ginn all Joer ronn 22.000 € u Spende gebraucht.
Mir soen allen Donateuren, déi dat méiglech gemaach hunn, en häerzleche Merci.
