Kee Liewen ouni Waasser

Share on facebook
Share on pinterest
Share on twitter

Ronn 21 Millioune Mënsche liewen am Malawi – schätzungsweis e puer Milliounen dovun hu keen Zougang zu propperem Drénkwaasser. Duerch eng schlecht Ofwaasserversuergung, veronrengegt Quellen a verknaschte Waasserstelle stierwen all Joer dausende vu Mënschen u Krankheeten, déi hätte verhënnert kënne ginn.

D’Waasserversuergung an déi sanitär Grondversuergung stellen deemno e besonnesche Schwéierpunkt an der Entwécklungshëllef vun der ONG Eng oppen Hand fir Malawiduer. De Fokus läit dobäi op de Wuerzele vun der Stëftung, dem St. Gabriel’s Hospital zu Namitete, dat an engem Regioun, an där ongeféier 250.000 Mënsche liewen, déi medezinesch Versuergung ofdeckt.

Tëschent 2004 an 2007 goufen 141.298,30 € an d’Sanéierung vum Waassersystem investéiert an ënner anerem 2 Buere gebaut, déi vun den Nopeschdierfer a vun de Famillje vun de Patiente genotzt ginn. Eng oppen Hand fir Malawi mat 108.400,- €en neie Kanalsystem fir d’Ofleedung vum Reewaasser gefërdert, fir Iwwerschwemmungen ze vermeiden. Tëscht 2008 an 2013 sinn och am Kader vun engem grouss ugeluechte Projet fir d’Verbesserung vun de Liewensbedéngunge vun den Duerfbewunner vun Chinyata (Regioun Walirani, Distrikt Namitete) insgesamt 288.501,- € an d’Beräicher Waasser, Landwirtschaft a Bildung gefloss. Mat dëser Zomm goufen ënner anerem 5 Bueren ugeluecht, 2 reparéiert, Latrinne gebaut a ronn 3000 Awunner vun den Dierfer an Hygiène a Notzung vu propperem Waasser forméiert. Am Ganzen hunn ongeféier 350 Famillje vun den neien Anlage profitéiert, déi och wärend der dréchener Zäit zouverlässeg Waasser liwweren.

Och an der rezenter Vergaangenheet huet Eng oppen Hand fir Malawi mat hiren Donen Entwécklungsprojete mam Schwéierpunkt Waasser ënnerstëtzt a wäert dat och an Zukunft maachen.

Mir soen allen Donateuren, déi dat méiglech gemaach hunn, en häerzleche Merci.

All d'Projeten entdecken

Coifferssalon Seniorie Saint Jean de la Croix Luxembourg

« Der Friseur gibt dem Ich neuen Schwung » Dat war virun e puer Joer d’Motto vun der däitscher Coiffers-Federatioun. Fir vill Leit, a besonnesch dacks fir Fraen, ass de Coiffer wichteg fir d’Wuelbefannen an d’Zefriddenheet.

Kee Liewen ouni Waasser

Ronn 21 Millioune Mënsche liewen am Malawi – schätzungsweis e puer Milliounen dovun hu keen Zougang zu propperem Drénkwaasser. Duerch eng schlecht Ofwaasserversuergung…

E séchere Fräiraum fir Demenzpatienten

Demenzpatienten sinn dacks kierperlech fit oder nëmme wéineg ageschränkt. Vill vun hinnen hunn de Besoin, sech fräi ze beweegen, an der frëscher Loft spadséieren ze goen oder e Raum ze betrieden an ze verloossen, wann et hinnen dono ass.