Eng oppen Hand fir Malawi
Eng oppen Hand fir Malawi ass eng offiziell unerkannt Net-Regierungs-Organisatioun (NRO), déi den 30. Juni 1989 gegrënnt gouf. Si ënnerstëtzt virun allem d‘ Entwécklungshëllef der Bevëlkerung an den Dierfer aus der Regioun B‘Watalika am Distrikt Lilongwe, mam Zil, d’Liewensbedingunge vun de Leit nohalteg ze verbesseren.
Iwwer eis
Déi Missiounsaarbecht, déi d‘ZithaSchwësteren 1959 am Malawi ugefaangen hunn, huet sech am Laf vu ville Joren ëmmer méi an eng Entwécklungsaarbecht gewandelt. Domat koumen op d’Schwësteren nei Erausfuerderungen duer, déi si 1989 dozou bruecht hunn, d’ONG Eng oppen Hand fir Malawi ze grënnen, fir Hëllefsprojete méi effikass ëmsetzen ze kënnen.
Eis Fërderschwéierpunkten
Eng oppen Hand fir Malawi ënnerstëtzt Projeten, déi am Weesentlechen drop ausgeriicht sinn, d’Liewensbedingungen vun der Landbevëlkerung zu verbesseren. D’Schwéierpunkte vun eiser Entwécklungsaarbecht sinn déi follgend Beräicher: Zougang zu propperem Waasser, Verbesserung vun den hygieeneschen Bedéngungen, wirtschaftlech Entwécklung vun den Duerfgemeinschaften duerch eng méi produktiv Landwirtschaft, d’Fërderung vun der Bildung vu Fraen a Kanner, genee ewéi humanitär Hëllef an akuten Noutsituatiounen.
Projeten
D’Projete vun der ONG „Eng oppen Hand fir Malawi“ solle geziilt der Bevëlkerung an der Regioun B’Watalika an den Dierfer aus der Ëmgéigend zeguttkommen. Doriwwer eraus gesäit d’ONG hir Aufgab doran, d’Leit am Malawi bei der Ëmsetzung vun de Projeten iwwer eng Rei vu Joren ze begleeden. All eis Projete ginn zu 80 % vum Lëtzebuerger Staat kofinanzéiert.
Mir invitéieren Iech, op eisem Internetsite d’NRO an eis Projete kennenzeléieren.
Einrichtungen
- St. Gabriel’s Hospital
- St. Theresa Nursery School
- Bethany Guest House
- St. Theresa Prayer House
- Our Lady Mount Carmel Nursery School
- St. Joseph Cottage
Gemeinschaften
- Our Lady Mount Carmel Community Namitete, Lilongwe Archdiocese
- St. Theresa of Jesus Community, Lilongwe Archdiocese
- St John of the Cross Community, Ganya, Dedza Diocese
- Anna Paula Bove Novitiate, Mlombozi, Zomba Diocese
- St Elizabeth of the Holy Trinity community, Kadikira, Blantyre Archdiocese
Kontakt
- Telefon
